கலியுகத்தில் காவிரியில் ஏற்பட்ட வெள்ளப்பெருக்கினால் பிரணவாகார விமானமும் மதிற்சுவர்களும் மண்ணில் புதையுண்டு பெரும் காடாக மாறியது. பல காலங்களுக்குப் பிறகு கிளி சோழன் என்று அழைக்கப்படும் சோழ நாட்டு அரசன் வேட்டையாடி விட்டு ஒரு மரத்தின் அடியில் இளைப்பாறுகையில் மரத்தின் மீது அமர்ந்திருந்த கிளியின் பாட்டைக் கேட்டு, அதன் அர்த்தத்தைப் புரிந்து கொண்டு பின்னர் அந்த இடத்தைத் தோண்டிப் பார்க்கையில் விமானத்தைக் கண்டுபிடித்தார். அதற்குத் திருவரங்கத் திருப்பதி எனப் பெயரிட்டுப் போற்றி வணங்கினார். பல்வேறு காலங்களில் பல்வேறு சேர, சோழ, பாண்டிய, பல்லவ, நாயக்கர் மன்னர்களால் பல திருப்பணிகளும் மேற்கொள்ளப்பட்டன. இன்றும் பல்வேறு இடங்களிலிருந்தும் தினமும் பல்லாயிரக்கணக்கான பக்தர்கள் வந்து பெருமாள் தரிசனம் செய்கின்றனர். தெற்கு இராசகோபுரம்: விஜய நகரப் பேரரசு ஆட்சியில்...கலியுகத்தில் காவிரியில் ஏற்பட்ட வெள்ளப்பெருக்கினால் பிரணவாகார விமானமும் மதிற்சுவர்களும் மண்ணில் புதையுண்டு பெரும் காடாக மாறியது. பல காலங்களுக்குப் பிறகு கிளி சோழன் என்று அழைக்கப்படும் சோழ நாட்டு அரசன் வேட்டையாடி விட்டு ஒரு மரத்தின் அடியில் இளைப்பாறுகையில் மரத்தின் மீது அமர்ந்திருந்த கிளியின் பாட்டைக் கேட்டு, அதன் அர்த்தத்தைப் புரிந்து கொண்டு பின்னர் அந்த இடத்தைத் தோண்டிப் பார்க்கையில் விமானத்தைக் கண்டுபிடித்தார். அதற்குத் திருவரங்கத் திருப்பதி எனப் பெயரிட்டுப் போற்றி வணங்கினார். பல்வேறு காலங்களில் பல்வேறு சேர, சோழ, பாண்டிய, பல்லவ, நாயக்கர் மன்னர்களால் பல திருப்பணிகளும் மேற்கொள்ளப்பட்டன. இன்றும் பல்வேறு இடங்களிலிருந்தும் தினமும் பல்லாயிரக்கணக்கான பக்தர்கள் வந்து பெருமாள் தரிசனம் செய்கின்றனர். தெற்கு இராசகோபுரம்: விஜய நகரப் பேரரசு ஆட்சியில் சுமார் 500 ஆண்டுகளுக்கு முன்பு அஸ்திவாரம் கட்டப்பட்டு முற்றுப்பெறாமல் இருந்த தென்புற கோபுரத்தை அகோபில மடம் அழகிய சிங்கர் சுவாமிகளின் நன்முயற்சியால் 20.05.1979ல் திருப்பணிகள் தொடங்கப்பட்டு பக்தர்களின் நன்கொடை மூலம் கட்டி முடிக்கப்பட்டு 25.03.1987 அன்று குடமுழுக்கு நடைபெற்றது. இந்தத் தெற்கு இராசகோபுரம் ஆசியாவிலேயே உயரமான 236 அடி உயரமும், 13 நிலைகளும், 13 கலசங்களும் கொண்டுள்ளது. அனைவரையும் தலை நிமிர அதிசயித்துப் பார்க்க வைக்கும் ஸ்ரீரங்கம் தெற்கு இராசகோபுரத்தின் தனித்தன்மை பாராட்டுதலுக்குரியது.
தல பெருமை
ஸ்ரீரங்கம் அருள்மிகு அரங்கநாதசுவாமி திருக்கோயில் 108 வைணவ திவ்யதேசங்களில் முதன்மையானதும் தானாகத் தோன்றிய திருத்தலங்களில் முதன்மையானதும், பூலோக வைகுண்டம் எனச் சிறப்பு பெற்றதும் ஆகும். ஆழ்வார்கள் பதின்மரால் மங்களாசாசனம் செய்யப்பெற்ற இத்திருத்தலம் மற்ற வைணவத் திருத்தலங்களின் தலைமைபீடமாக விளங்கி வருகிறது. அகண்ட காவிரி ஆற்றின் நடுவில் ஒரு தீவு பகுதியில் ஏழு திருச்சுற்றுகளுடன், உயர்ந்த மதிற்சுவர்களுடன் 156 ஏக்கர் பரப்பளவில் அமைந்துள்ளது. தெற்கு ஆசியாவிலேயே மிக உயரமான 236 அடி உயரமுள்ள 13 நிலைகளை கொண்ட இராயகோபுரம் இங்கு அமைந்துள்ளது. திருக்கோயில் மூலஸ்தானத்தில் ஆதிசேஷன் மீது ஸ்ரீரங்கநாதர் சயன திருக்கோலத்தில் எழுந்தருளியுள்ளார். பல நதிகள் கடலில் சங்கமம் ஆவது போல் அனைத்துத் திவ்ய தேசங்களாகிய நதிகளும் திருவரங்கம் என்ற சமுத்திரத்தில் சேர்கின்றன. அரங்கனைச்...ஸ்ரீரங்கம் அருள்மிகு அரங்கநாதசுவாமி திருக்கோயில் 108 வைணவ திவ்யதேசங்களில் முதன்மையானதும் தானாகத் தோன்றிய திருத்தலங்களில் முதன்மையானதும், பூலோக வைகுண்டம் எனச் சிறப்பு பெற்றதும் ஆகும். ஆழ்வார்கள் பதின்மரால் மங்களாசாசனம் செய்யப்பெற்ற இத்திருத்தலம் மற்ற வைணவத் திருத்தலங்களின் தலைமைபீடமாக விளங்கி வருகிறது. அகண்ட காவிரி ஆற்றின் நடுவில் ஒரு தீவு பகுதியில் ஏழு திருச்சுற்றுகளுடன், உயர்ந்த மதிற்சுவர்களுடன் 156 ஏக்கர் பரப்பளவில் அமைந்துள்ளது. தெற்கு ஆசியாவிலேயே மிக உயரமான 236 அடி உயரமுள்ள 13 நிலைகளை கொண்ட இராயகோபுரம் இங்கு அமைந்துள்ளது. திருக்கோயில் மூலஸ்தானத்தில் ஆதிசேஷன் மீது ஸ்ரீரங்கநாதர் சயன திருக்கோலத்தில் எழுந்தருளியுள்ளார். பல நதிகள் கடலில் சங்கமம் ஆவது போல் அனைத்துத் திவ்ய தேசங்களாகிய நதிகளும் திருவரங்கம் என்ற சமுத்திரத்தில் சேர்கின்றன. அரங்கனைச் சேவித்தால் 108 திவ்ய தேசங்களையும் சேவித்த பலன் உண்டு. ஒரு பெரிய மஹா விருட்சத்திற்கு வேரில் நீர் ஊற்றினால் மரம், கிளை, இலை எல்லாவற்றிற்கும் அந்த நீர் செல்வது போல், ஸ்ரீரங்கத்தில் அரங்கனைச் சேவித்தால் 108 திவ்ய தேசங்களிலுள்ள பெருமாளையும் சேவித்த பலன் உண்டு. ஸ்ரீரங்கநாதனின் திருநாமத்தை ஒரு முறை சொன்னாலே சகல துக்கங்களிலிருந்தும் விடுபட்டு நன்மையை அடையலாம். சந்திரனுக்கு ஒரு முறை உடலில் நோய் ஏற்பட்ட போது அவர் பெருமாளிடம் வேண்ட, அதற்குப் பெருமாள் ஸ்ரீரங்கத்தில் உள்ள சந்திரபுஷ்கரணியில் நீராடுமாறு பணித்தார். அவ்வாறு நீராடிய சந்திரனுக்கு உடலில் உள்ள குறைபாடுகள் நீங்கியது. ஆகவே பெருமாள் இத்தலத்தில் தோன்றுவதற்கு முன்னரே இந்தச் சந்திரபுஷ்கரணி இருப்பது சான்றாகும். நான்கு யுகமாக இருக்கும் இந்தச் சந்திரபுஷ்கரணி அருகில் தானம் செய்தால் முன்வினைகள் அனைத்தும் தீரும் என்பதும் உண்மை. இத்திருக்கோயில் 52 உப சன்னதிகளும், ஓம் என்னும் பிரணவ வடிவிலான தங்க விமானம் உள்ள திருக்கோயிலாகும். ப்ரணவாகார விமானத்தில் பரவாசுதேவர் திருமேனி காணப்படுவது இக்கோயிலுக்கு உரிய தனிச் சிறப்பாகும். இத்திருக்கோயிலின் இருபுறமும் கங்கையை விட புனிதமான ஆறான காவிரி ஆற்றினால் சூழப்பட்ட திருநாவலந்தீவு என்ற தீவு பகுதியில் அமைந்துள்ளது. வருடத்தின் அநேக நாட்களும் திருவிழாக்களைக் கொண்ட மிகச் சிறப்புமிக்க திருக்கோயிலாகும். தென்கலை சம்பிரதாய முறையில் உள்ள இத்திருக்கோயிலில் பாஞ்சராத்திர ஆகமம் - பாரமேஸ்வர சம்ஹிதைபடி பூசை முறைகள் நடைபெற்று வருகிறது. இத்திருக்கோயிலில் வைணவப் பெருந்தகை இராமானுசரால் ஏற்படுத்தப்பட்ட நிர்வாகத்திட்டம் இன்றளவும் பின்பற்றப்படுகிறது. திரேதா யுகத்தில் இராமபிரானால் பூஜிக்கப்பட்ட திருவரங்கப் பெருமாள் விக்ரகம் உள்ள பெருமை பெற்ற திருத்தலமாகும்.
புராண பின்புலம்
பிரம்மன் படைப்புத் தொழிலில் ஈடுபட்டிருந்தபோது தன்னுடைய படைப்புகள் யாவும் நிலையற்றதாகவும், விரைவில் அழியக் கூடியதாகவும் இருப்பதைக் கண்டு செய்வதறியாது பரமாத்மாவான ஸ்ரீமன் நாராயணனிடம் வேண்டினார். எம்பெருமான் மிகவும் உகந்து ஓம் நமோ நாராயணாய என்ற எட்டெழுத்து மந்திரத்தை உள்ளத்தில் நிறுத்தி தன்னை வழிபடுமாறு சொல்ல, அவ்வாறே பிரம்மன் எட்டெழுத்து மந்திரத்தை உச்சரித்துக் கொண்டே தவம் செய்து கொண்டிருந்தார். திருக்கோயிலின் பிரணவாகார விமானம் சத்ய லோகத்தில் பிரம்மனின் அருந்தவப்பயனால் திருப்பாற்கடலிலிருந்து தானாகத் தோன்றியதாகும். பிரணவாகார விமானத்திற்கு நித்யபடி பூஜைகள் செய்ய பிரம்மன் சூரியனை நியமித்தார். பின்னர் திரேதா யுகத்தில் வைவஸ்வத மனு அவரது மகன் இஷ்வாகு ஆகியோர் பூஜித்து வந்தனர். இஷ்வாகு அந்த விமானத்தை அயோத்தியில் எழுந்தருளச் செய்தார். சூரிய குல மன்னனான தசரதன்...பிரம்மன் படைப்புத் தொழிலில் ஈடுபட்டிருந்தபோது தன்னுடைய படைப்புகள் யாவும் நிலையற்றதாகவும், விரைவில் அழியக் கூடியதாகவும் இருப்பதைக் கண்டு செய்வதறியாது பரமாத்மாவான ஸ்ரீமன் நாராயணனிடம் வேண்டினார். எம்பெருமான் மிகவும் உகந்து ஓம் நமோ நாராயணாய என்ற எட்டெழுத்து மந்திரத்தை உள்ளத்தில் நிறுத்தி தன்னை வழிபடுமாறு சொல்ல, அவ்வாறே பிரம்மன் எட்டெழுத்து மந்திரத்தை உச்சரித்துக் கொண்டே தவம் செய்து கொண்டிருந்தார். திருக்கோயிலின் பிரணவாகார விமானம் சத்ய லோகத்தில் பிரம்மனின் அருந்தவப்பயனால் திருப்பாற்கடலிலிருந்து தானாகத் தோன்றியதாகும். பிரணவாகார விமானத்திற்கு நித்யபடி பூஜைகள் செய்ய பிரம்மன் சூரியனை நியமித்தார். பின்னர் திரேதா யுகத்தில் வைவஸ்வத மனு அவரது மகன் இஷ்வாகு ஆகியோர் பூஜித்து வந்தனர். இஷ்வாகு அந்த விமானத்தை அயோத்தியில் எழுந்தருளச் செய்தார். சூரிய குல மன்னனான தசரதன் குழந்தை வேண்டி புத்திர காமேஷ்டி யாகம் நடத்தும் பொழுது அதில் கலந்து கொள்வதற்காக தர்மவர்ம சோழன் என்ற சோழ நாட்டு அரசன் அங்குச் சென்றார். அப்போது பிரணவாகார விமானத்தைக் கண்டு அதை ஸ்ரீரங்கத்திற்குத் தர வேண்டினார். அதற்கு தசரதன் மறுக்கவே ஸ்ரீரங்கத்தில் சந்திரபுஷ்கரணி அருகில் அமர்ந்து பிரணவாகார விமானம் வேண்டி நெடுங்காலம் கடும் தவம் புரிந்தார். தசரதனின் மகன் இராமபிரான் அந்த விமானத்தை விபீஷணருக்குப் பரிசாக அளித்தார். விபீஷணாழ்வார் அந்த விமானத்தை எடுத்துக் கொண்டு இலங்கை செல்லும் வழியில் காவிரிக்கரையில் நித்ய கர்ம அனுஷ்டானங்களை முடிக்க எண்ணி சந்திரபுஷ்கரணி அருகில் சேஷபீடத்தில் வைத்தார். சிறிது நேரம் கழித்து விமானத்தை எடுக்க முயற்சிக்கையில் முடியாமல் போனது. இது கண்டு பெரிதும் துயருற்ற விபீஷணனிடம் பெருமாள் தோன்றி தான் முன்னரே காவிரிக்கரையில் எழுந்தருள நினைத்திருந்ததாகவும், எப்பொழுதும் தென்திசையில் இலங்கையை நோக்கியே காட்சி கொடுத்து சயனித்திருப்பதாகவும் தெரிவித்தார். அப்பொழுது அங்கே தவக்கோலத்தில் இருந்த தர்மவர்ம சோழன் கண் விழித்துப் பார்த்த போது அங்குப் பிரணவாகார விமானம் இருப்பதைக் கண்டு எல்லையில்லா மகிழ்ச்சி அடைந்தார். விமானத்தைச் சுற்றி மதிற் சுவர்கள் எழுப்பி பூசை செய்து வந்தார். ஆதலால் இந்தச் சந்திரபுஷ்கரணியின் அருகில் அமர்ந்து பெருமாளிடம் வேண்டினால் கேட்டது கிடைக்கும் என்பது நிச்சயம்.
